Traust · Innsýn · Árangur
Sjálfstæð fjármálaráðgjöf:
Hvernig get ég hjálpað?
Ég hef meira en 30 ára reynslu af störfum á alþjóðlegum fjármálamörkuðum og nýt trausts viðskiptavina, öflugra fjárfesta og helstu fjármögnunaraðila. Sérstaða mín felst í samspili þekkingar, víðtækrar reynslu og tengslanets sem nýtist bæði fyrirtækjum og fjárfestum.
Frá skákiðkun þekki ég mikilvægi langtímahugsunar og þess að greina stöðuna vel áður en ákvörðun er tekin.
Í fjárfestingum gilda sömu lögmál – að bera saman valkosti, meta áhættu og velja þann „leik“ sem hámarkar ávöxtun til lengri tíma.
Ég vinn eftir gildum Quantum – traust, innsýn og árangur – og legg áherslu á vandaða greiningu og framkvæmd sem skilar raunverulegri verðmætasköpun fyrir viðskiptavini.
Fjármagn er drifkraftur verðmætasköpunar. Fyrir rekstur fyrirtækja, ávöxtun fjárfesta og velsæld þjóða, skiptir máli að góð verkefni fái fjármögnun og framgang til að blómstra.
Hafðu samband ef þú vilt trausta ráðgjöf við mikilvægar fjárhagslegar ákvarðanir.
Quantum veitir þjónustu:
fyrir fyrirtæki og fjárfesta
-
Óháð mat á samkeppnisstöðu og langtímahorfum, með greiningu á drifkröftum arðsemi og áhættu sem nýtist stjórnendum fyrirtækja og eigendum.
-
Fagleg og vel rökstudd verðmöt sem byggja á traustum forsendum og næmnigreiningum.
Ég hef umfangsmikla reynslu af verðmötum fyrir eigendur og fjárfesta, auk verkefna í flóknum ágreinings- og dómsmálum.
-
Sérhæfð ráðgjöf með skýrum samningsmarkmiðum og vönduðu stöðumati.
• Fyrir seljendur: Verðmat, greining á mögulegum kaupendum og kynningarefni sem hámarkar verðmæti og dregur úr óvissu.
• Fyrir kaupendur: Mat á fjárfestingartækifærum, ávöxtun og áhættu.
Reynsla mín og tengsl nýtast sérstaklega vel í flóknum viðræðum og lokunum.
-
Þjónusta allt frá því að stýra öllu fjármögnunarferlinu – greining á valkostum, kynningargögn og öflun tilboða – eða afmörkuðum þáttum eftir aðstæðum.
Reynsla mín á sviði fjármögnunar og þekking á fjármálamarkaðnum og tengsl nýtast vel í samskiptum við fjármögnunaraðila.
-
Í völdum verkefnum tek ég að mér fjármálastjórn í hlutastarfi (CFO-as-a-service) og set upp ferla, áætlanir og reglubundna skýrslugjöf sem styrkir stjórnendur, eykur traust eigenda og bætir ákvarðanatöku.
-
Stjórnarseta er ekki kjarnahluti þjónustu Quantum, en í völdum verkefnum tek ég sæti í stjórn.
Ég hef setið í stjórnum fjölmargra fyrirtækja og hef góða og víðtæka reynslu af stjórnarstörfum.